Анчелотти "Реал" мухлисларига хушхабар айтди

Мадриднинг “Реал” клуби Испания чемпионатининг “Севилья”га қарши баҳсига деярли йўқотишларсиз келмоқда. Бу ҳақда жамоа бош мураббийи Карло Анчелотти ОАВ вакиллари билан суҳбатда айтиб ўтди.

Матбуот анжуманида италиялик мутахассис дарвозабон Тибо Куртуа жароҳатини даволагани ва майдонга тушиши мумкинлигини айтди. Учрашувда қатнашиши сўроқ остида бўлган ягона футболчи Дани Себальос ҳисобланади.

"Реал" Мадриднинг "Севилья"га қарши ўйини 22 октябрь, шанба куни "Сантьяго Бернабеу" стадионида бўлиб ўтади. Беллашув Тошкент вақти билан 00:00да бошланади.

Ушбу учрашув олдидан мадридликлар Ла Лигада пешқадамлик қилмоқда, меҳмонлар эса 12-ўриндан жой олган.