"Андижон" - "Локомотив": Матнли трансляция

Ассалому алайкум, қадрли футбол ихлосмандлари! Ўзбекистон Кубоги гуруҳ босқичи 1-туридан ўрин олган "Андижон" - "Локомотив" учрашуви матнли трансляция кўринишида эътиборингизга ҳавола этилади.

• 90+3'
  

  Учрашув якунланди! "Локо" Ўзбекистон Кубогини ғалаба билан бошлади.

• 90+2'
  

  Жасур Жалолиддинов огоҳлантирилди.

• 90'
  

  Учрашувнинг асосий вақтига 3 дақиқа қўшиб берилди.

• 89'

  Ўйин асабий руҳда давом этмоқда.

• 87'
  

  "Андижон" футболчисига сариқ карточка кўрсатилди.

• 85'
  

  Қулай позицияга чиқиб борган Туроповнинг зарбасидан кейин дарвозабон тўпни қайтарди.

• 82'

  Майдон эгалари ҳисобни тенглаштириш мақсадида ҳужумни кучайтирмоқда.

• 80'
  

  ГОООООООООООООЛ! Ҳисоб ўзгарди!

  Муҳаммадиевнинг ўткир бурчаклан берган кучли зарбаси дарвоза тўридан жой олди.

• 79'
  

  Туроповнинг чав оёқда йўллаган зарбасини дарвозабон қайтарди.

• 77'
  

  Дониёр Абдуманноповнинг жарима майдони ичидан йўллаган зарбасини дарвозабон эгаллаб олди.

• 75'
  

  Сидиқов ҳамда Бикмаев ўрнига Қобилов ва Амонов майдонга тушди.

• 74'

  Ўйин "Андижон"нинг устунлиги остида давом этмоқда.

• 72'
  

  Ҳисоб ўзгариши мумкин эди! Абдуманноповнинг зарбасини дарвозабон қайтарди. Такрорий уринишни амалга оширган Жалолиддинов бўш қолган дарвозага тўпни кирита олмади.

• 71'
  

  ГОООООООООООООЛ! Ҳисоб тенглашди!

  Жасур Жалолиддинов ўзидан чапга зарба йўллаб, дарвозабонни ожиз қолдирди.

• 69'
  

  Дониёр Абдуманнопов жарима майдони ичида қоида бузиш эвазига тўхтатилди. Ҳакам дарҳол нуқтага ишора қилди.

• 67'
  

  Ҳозиргина майдонга тушган Суннатилла Ҳамиджоновга сариқ карточка кўрсатилди.

• 66'
  

   Иброҳим Отахонов ўз ўрнини Суннатилла Ҳамиджоновга бўшатиб берди.

• 64'

  Тошкентликлар ҳам бироз фаоллашиб қолди. Рақибнин босими тобора ортаётган эди.

• 62'

  "Андижон"нинг штурми давом этади. Меҳмонлар катта қийинчилик билан ҳимояланмоқда.

• 60'
  

  Муҳаммадкарим Тоиров ўрнига Кармон Саидазимов майдонга тушди.

• 58'

  Тўп назорати майдон эгаларида бўлиб турибди. "Локо" қарши ҳужумларга таянмоқда.

• 56'

  Бир рақибидан ўтиб жарима майдонига ёриб кирган Абдуманноповнинг зарбаси ноаниқ кетди.

• 54'

  Жарима майдони ичида Барданка рақибига нисбатан қоида бузгандек кўринди. Бироқ ҳакам ўйинни давом эттиришга рухсат берди. Демак, ҳеч қандай қўполлик йўқ.

• 53'
  

  Меҳмонлар вакилига тиббий ёрдам кўрсатилди.

• 51'

  Ҳисоб тенглашиши мумкин эди! Бироқ Абдуманноповнинг яқин масофадан берган зарбасига аниқлик етишмади.

• 48'
  

  ГООООООООООООЛ! Учрашувда ҳисоб очилди!

  Бикмаевнинг узатмасидан кейин ҳозиргина майдонга тушган Абдухолиқов дарвозани ишғол этди.

• 46'
  

  "Локо" таркибида ўзгариш: Ғанихонов ўз ўрнини Абдухолиқовга бўшатиб берди.

• 46'
  

  Иккинчи тайм бошланди!

• 45+2'
  

  Танаффус!

• 45+1'
  

  Бикмаевни йиқитган Димовга сариқ карточка кўрсатилди.

• 45'
  

  Биринчи таймга 1 дақиқа қўшиб берилди.

• 43'

  Бўлим сўнгини пойтахтликлар тўп назорати билан ўтказмоқда.

• 41'

  "Андижон" қанотларни фаол ишга солмоқда. Бироқ марказда ҳужумларга якуний нуқта қўядиган футболчи топилмаяпти.

• 39'
  

  Бу сафар Туропов рақибнинг сунъий офсайди қурбони бўлди.

• 38'

  Диёр Туропов ҳужумда қоида бузди. Ҳакам ўйинни тўхтатди.

• 36'

  Отахоновнинг жарима майдонига оширган тўпини дарвозабон ушлаб олди.

• 35'

  Майдон эгалари тўпни ўзларида ушлаб турибди.

• 33'

  Ҳакамнинг ҳуштагидан кейин тўпни тепиб юборган Туропов жиддий огоҳлантирилди. Кейинги сафар сариқ карточка кўрсатилиши мумкин.

• 31'

  "Локо"нинг ҳужумлари зарбага қадар етиб бормаяпти. Худди шу ҳолат "Андижон"да ҳам кузатилмоқда.

• 29'

  Кичик устунлик Ғуломхўжаев шогирдлари томонда бўлиб турибди.

• 27'
  

  Мезбонлар сунъин офсайд ҳосил қилишда бехато ҳаракат қиляпти. Бу сафар "Локо"нинг икки нафар футболчиси ўйиндан ташқари ҳолатда қолиб кетди.

• 25'

  Андижонликлар ҳозирча фаолроқ кўринмоқда.

• 23'

  Жамшид Ҳамидов жарима майдони ичидан акробатик усулда зарба йўллаши мумкин эди. Бироқ ҳужумчи тўпга ета олмади.

• 22'
  

  Ҳамидовни қоида бузиш эвазига тўхтатган Барданка огоҳлантирилди.

• 21'
  

  Марат Бикмаев ўйиндан ташқари ҳолатда қолиб кетди.

• 19'

  Туроповнинг жарима майдони ташқарисидан йўллаган зарбасини дарвозабон ушлаб олди.

• 17'

  Отахоновнинг жарима майдонига узатган тўпини ҳимоячилар узоқлаштирди.

• 15'

  "Темирйўлчилар" рақиб жарима майдони атрофида майда паслар билан ҳимоядаги бўшлиқни излаяпти.

• 13'

  Ғуломхўжаев шогирдлари прессинг уюштириб, рақибни босимда ушлашга ҳаракат қилмоқда.

• 11'

  Томонлар анча эҳтиёткор. Тўп марказда бўлиб турибди.

• 9'
  

  Исмоналиевга нисбатан қоида бузган Ғанихонов огоҳлантирилди.

• 7'

  Меҳмонлар марказда тўпни назорат қилмоқда.

• 5'
  

  Дониёр Исмоилов Ғуломов билан тўқнашиб кетди. Унга тиббий ёрдам кўрсатилмоқда.

• 3'

  Майдон эгалари дастлабки дақиқалардан ҳужумкор ўйин кўрсатмоқда.

• 1'
  

  Ўйин бошланди!

• 0'

  Футболчилар майдонга тушиб келди. Старт учун барчаси тайёр!