"Андижон" - "Сўғдиёна". Ҳозирча кучлар тенг

Хабарингиз бор, 18 октябрь куни “Андижон” ўз майдонида “Сўғдиёна”ни қабул қилади. Биз эса жамоаларнинг шу кунгача ўтказган ўзаро учрашувлар тарихини яна бир бор ёдингизга солиб ўтамиз.

“Андижон” ва “Сўғдиёна” жамоалари шу кунгача миллий чемпионатимиз доирасида 41 маротаба баҳс олиб боришган.

Ўтказилган 41 та учрашувнинг 16 тасида “Андижон” жамоаси устун келган бўлса, жиззахликлар ҳам 16 та учрашувни ғалаба билан якунлашган. Қолган 9 та учрашувда эса кучлар тенг келди. “Андижон” жамоаси жиззахликлар дарвозасини 60 маротаба ишғол этиб, ўз дарвозасидан 58 та гол ўтказиб юборган – тўплар нисбати - 60:58.

“Андижон” жамоасининг “Сўғдиёна” устидан энг йирик ғалабалари 4:1, 3:0. Энг йирик мағлубияти 0:5.
Ушбу жамоаларнинг ўзаро учрашувидаги энг сермаҳсул баҳс 2000 йилда бўлиб ўтган бўлиб, унда дарвозалар 8 маротаба ишғол этилган ва 4:4 ҳисоби қайд этилган.