"Андижон" - "Сурхон" жамоаларининг ўзаро ўйинлардаги статистикаси қандай?

Якшанба оқшомида “Бобур арена”да “Андижон” Термизнинг “Сурхон” клубини қабул қилишидан хабарингиз бор. Бу жамоаларнинг Ўзбекистон чемпионатидаги ўзаро ўйинлар статистикасига тўхталадиган бўлсак, “Андижон” ҳамда “Сурхон” шу пайтгача миллий биринчилигимизда 33 маротаба майдонда тўқнаш келишган. Клубларнинг илк ўйини 1992 йилнинг 31 март кунига тўғри келади. Термиздаги баҳс 1:1 ҳисобидаги натижа билан якунланган.

Ўзаро учрашувлардаги устунлик “Андижон” томонида. 33 та ўйиннинг 17 тасида "Бургутлар"нинг қўлиб баланд келган. “Сурхон”да 10 та ғалаба бор. Яна 6 та беллашувда дуранг қайд этилган Тўплар нисбати эса 60\40 “Андижон” фойдасига.

Жамоаларнинг биринчи даврада Тошкентдаги ўйинида “Андижон” 2:3 ҳисобида ғалаба қозонган. 

“Андижон” ва “Сурхон” иштирокидаги беллашувлардаги энг йирик ҳисоблар ҳам “Бургутлар”га тегишли. 2000 йили “Андижон” меҳмонда ушбу рақибини 0:5 ҳисобида тор-мор келтирган. Шунингдек, 6:2, 5:1 ва 4:0 ҳисобларида ҳам “Андижон” ғалаба қозонган. 1999 йилда эса Термиздаги ўйинда жанговар 4:4 натижаси қайд этилган.

Барча футбол ишқибозларини 18 август куни “Бобур арена”да соат 19:00 да бошланадиган учрашувга таклиф қиламиз.