"Андижон" легионери терма жамоасининг сардори сифатида ўйин ўтказди

Хабарингиз бор, ФИФА кунлари муносабати билан терма жамоалар режалаштирилган ўртоқлик ўйинларини ўтказдилар.

Олдин хабар берганимиздек, Тожикистон терма жамоаси 25 ҳамда 28 март кунларига БАА ва Қувайт терма жамоаларига қарши ўртоқлик учрашувларини келишиб қўйганди.

Дастлаб БААга қарши учрашувида ҳисоб очилмаганди. Қувайт билан бўлиб ўтган ўйинда эса тожикистонликлар 1:2 ҳисобида имкониятни бой бердилар. Ушбу баҳсда “Андижон” аъзоси Ахтам Назаров терма жамоа сардори сифатида ҳаракат қилди.

Умуман олганда, Суперлигамизда ўйнаётган тожикистонликлардан 4 нафари майдонга туширилди. Ягона голни 90-дақиқада ОКМКнинг собиқ футболчиси Алишер Жалилов киритди. Шунингдек, ушбу ўйинчи баҳснинг охирида майдондан четлатилди.

Тожикистон: Рустам Ятимов, Сиёвуш Асроров (Шахром Самиев, 74), Зоир Жўрабоев, Манучехр Сафаров, Ахтам Назаров, Амирбек Жўрабоев, Табрез Исломов (Муҳаммаджон Раҳимов, 46), Шервони Мабатшоев (Алишер Жалилов, 46), Эхсони Паншанбе, Парвизжон Умарбоев, Манучехр Жалилов.

Голлар: Бадер Тарек Али, 9 - 1:0. Шабайб Ал-Халди, 61 - 2:0 Алишер Жалилов, 90 - 2:1.