Андижон шаҳри кикбоксинг бўйича нуфузли турнирга мезбонлик қилади

25-28 август кунлари Андижон шаҳрида Ўзбекистон кикбоксинг ассоциацияси ва Ўзбекистон Республикаси Миллий гвардияси томонидан кикбоксинг бўйича ўзига хос турнир ташкил этилади.

Яъни, мустақиллигимизнинг 30 йиллигига бағишланган, Миллий гвардия қўмондони кубоги учун беллашувлар бўлиб ўтади.

Ушбу мусобақада 13 ёшдан 35 ёшгача бўлган ёш ва маҳоратли спортчилар ҳамда миллий гвардия ходимлари иштирок этади.

Шунингдек, мазкур турнирдан ўзига хос гала-финаллар ҳамда шоу дастурлари ўрин олган.