Андижонда шахмат бўйича Ўзбекистон чемпионати ўтказилади

Мактаб ўқувчилари ўртасида шахмат бўйича Ўзбекистон чемпионати ўтказилади.

Ҳудудий босқич шу йил март–апрел ойларида, республика (финал) босқичи эса 23–30 апрель кунлари Андижон вилоятида бўлиб ўтади.

Мусобақа 7, 9, 11, 13, 15 ва 17 ёш тоифаларида ўғил болалар ҳамда қизлар ўртасида ўтказилади.

Ғолиблар диплом, медал ва эсдалик совғалари билан тақдирланади. Стандарт йўналишда 1-ўринни эгаллаган иштирокчилар Осиё чемпионатида иштирок этиш ҳуқуқини қўлга киритади.