"Андижон"ни расман икки нафар футболчи тарк этди

“Андижон” ёзги селекция ишларини давом эттиряпти. Таркибга қўшилаётган ўйинчилар билан бир қаторда жамоа билан хайрлашаётган футболчилар ҳам бор.

Жумладан, жорий мавсум аввалида клуб сафига қўшилган македониялик 29 ёшли ярим ҳимоячи Демир Имери билан ўзаро келишган ҳолатда амалдаги шартнома бекор қилинди. Футболчи ярим мавсум мобайнида “Андижон” либосида ҳаммаси бўлиб 10 та ўйинда майдонга тушди ва битта голли ассистни амалга оширди.

Шунингдек, "Андижон"га 2022 йилнинг ёзида қўшилган Суҳроб Бердиев билан ҳам ўзаро келишган ҳолатда амалдаги шартнома бекор қилинди. Суҳроб ўтган икки йил мобайнида жамоа таркибида жами 35 та ўйинда майдонга тушди ва рақиблар дарвозасига 5 та гол урди.

Таъкидлаш керакки, ҳар иккала футболчи билан дўстона равишда хайрлашилди.

"Андижон" матбуот хизмати.