Aндрей Канчельскис: Ўзбекистон МТЖда яхши футболчилар кўп. Бизга жуда қийин бўлади. Мен у ерда ишлаганман, биламан

Ўзбекистон миллий терма жамоаси 13 ноябрь куни Тошкентда навбатдаги ўқув-машғулот йиғинларига киришади. Йиғин доирасида жамоамиз 2 та ўртоқлик учрашувида иштирок этиши режалаштирилган.

Дастлабки ўйин 16 ноябрь санасида Қозоғистон терма жамоасига қарши бўлиб ўтишини маълум қилгандик. Шунингдек, Сречко Катанец шогирдларининг 20 ноябрь кунги рақиби ҳам маълум. Футболчиларимиз Россия терма жамоасига қарши майдонга тушадилар.

Учрашув “Пахтакор” стадионида соат 17:00 да старт олади. Бу ҳақда ЎФА матбуот хизмати хабар берди.

Ушбу маълумот оммага тарқалгач, “Навбаҳор” клуби собиқ собиқ устози россиялик Андрей Канчельскис Metaratings.ru порталига ўз фикрларини билдирди.

- Осон ўйин бўлади, деб ўйламайман. Лекин энди, назаримда, асосий мақсад терма жамоага номзодларни кўриб чиқиш. Шунинг учун, натижа туфайли жамоага босим қилмаслик даркор. Шунинг учун, албатта, ҳар бир киши ўзига берилган имкониятни қадрлаши лозим.

Биз Россия терма жамоасига номзод ёшларни қарашимиз керак. Ҳозир уларни синовдан ўтказиш учун яхши вақт. Жамоада ёшлар кўпроқ бўлишини истардим. Бундай вақтда турли экспериментларни ўтказиш мақсадга мувофиқ. Буни қандай қилиш кераклигини жамоа ҳал этади.

Aлбатта, Ўзбекистон терма жамоасига қараш беллашув қизиқ бўлади. Шунингдек, рақиб таркибида яхши футболчилар кўп. Бизга жуда қийин бўлади. Мен у ерда ишлаганман, биламан, - деди Андрей Канчельскис Metaratings.ru нашрига.

Эслатиб ўтамиз, Андрей Канчельскис 2018-2020 йиллар Ўзбекистонда фаолият юритган ва ўша мавсум "Навбаҳор" клубига бош мураббийлик қилганди.