Англия терма жамоаси яна бир юлдузи муҳим учрашув олдидан уйига кетиб қолди

“Челси”дан Англия терма жамоасига таклиф этилган Раҳим Стерлинг Қатардаги жаҳон чемпионатидан Англияга қайтиб кетди.

Ҳужумкор футболчи англияликларнинг нимчорак финалда Сенегалга қарши ўтказган учрашувида Раҳим Стерлингнинг йўқлиги кўпчиликни ҳайрон қолдирди.

Daily Telegraph нашри журналисти Мэтт Лоунинг маълум қилишича, футболчи терма жамоа билан Қатарда бўлиб турган пайтда унинг Лондондаги уйида ўғрилик содир этилган. Раҳим Стерлинг оиласида хабар олиш учун юртига қайтиб кетишга мажбур бўлган.

Мазкур учрашувда Англия терма жамоаси сенегалликлар устидан 3:0 ҳисобида зафар қучди ва мундиалдаги иштирокини давом эттиради.

Эслатиб ўтамиз, бундан бир неча кун аввал “Арсенал” ҳимоячиси Бен Уайт оилавий сабабларга кўра, терма жамоани ташлаб, уйига қайтиб кетган эди.