Angliyalik murabbiy Janubiy Koreya terma jamoasini boshqarishi mumkin

Stiv Bryus murabbiylik postiga qaytishi mumkin. Angliyalik mutaxassis Janubiy Koreya terma jamoasida ishlashni istamoqda, deya xabar berdi "Mirror" nashri. 

Osiyo kubogi o‘z yakuniga etganidan keyin koreyaliklar ustozi Yurgen Klinsmann o‘z lavozimidan ozod qilindi. 59 yoshli nemisning keyingi manzili hozircha aniq emas. Qatardagi turnirda uning shogirdlari yarim finalgacha etib borib, Iordaniyaga mag‘lub bo‘ldi. 

Stiv Bryus so‘nggi marta "Vest Bromvich"ga bosh murabbiylik qildi. Shuningdek, 63 yoshli mutaxassis "Nyukasl", "Aston Villa", "Xall Siti" va "Sandrlend" kabi jamoalarni boshqargan.