Antoni Ronalduni maqtadi

"Manchester Yunayted" hujumchisi Antoni hujumchi Krishtianu Ronaldu haqida o‘z fikrlarini bildirib o‘tdi. Braziliyalik forvard jamoadoshini dunyodagi eng yaxshi futbolchi deb atadi.

“Bir necha kun ichida men Ronaldudan ko‘p narsani o‘rgandim. U top darajadagi futbolchi. Har safar u bilan gaplashganimda, o‘zim uchun ko‘p narsani o‘rganib olmoqdaman. Menimcha, u dunyodagi eng yaxshi hujumchi", - deya Antoni so‘zlarini keltiradi "Manchester Yunayted" matbuot xizmati.

Ma’lumot o‘rnida, bu mavsumda portugaliyalik hali ham samarali harakatlari bilan ajralib turmadi. "Manchester Yunayted" esa 6 turdan keyin APL turnir jadvalida beshinchi o‘rinda bormoqda.