Антонига Англиянинг гранд клубларидан бири қизиқмоқда

Ҳозирда "Бетис" сафида ижарада тўп сураётган Антони "Манчестер Юнайтед"ни тарк этиб, Испанияда қолиши ёки Англиянинг бошқа бир топ-клубига ўтиши мумкин. 

"Бетис" Антонини ўз сафига қўшиб олишни хоҳламоқда, бироқ 25 ёшли футболчига бошқа жамоалар ҳам қизиқиш билдирмоқда. "TodoFichajes" портали хабарига кўра, бразилиялик футболчи "Арсенал"нинг назарига тушган. "Канонирлар" Антонини яқинлашиб келаётган ёзги трансфер ойнасида МЮдан сотиб олиши мумкин.

"Transfermarkt" экспертлари Антонининг бозор қийматини 20 миллион еврога баҳоламоқда. Вингер испан клуби сафида 12 та расмий ўйинда майдонга тушиб, 4 та гол урди ва 4 та голли узатма амалга оширди.