Анвар Бердиев: "Ҳакамлар ҳақида кўп гапириляпти"

Про лиганинг 8-турига старт берилди. Ғузорда “Шўртан” Тошкентнинг “Локомотив” клубини қабул қилди ва мезбонлар 1:2 ҳисобида мағлубиятга учради. Беллашувдан сўнг “Шўртан” бош мураббийи Анвар Бердиев шундай деди:  

- Рақибнинг ўйинини кўриб, шунга яраша тайёргарлик кўргандик. Футболчиларимизда озгина ўзларига бўлган ишонч етишмади. Лекин ўйинчиларимизга ҳеч қанақа эътирозим йўқ. “Локомотив” жамоасини ғалаба билан табриклайман. Улар бежизга 1-ўринда кетмаяпти. Биз бу учрашувни таҳлил қилиб, кейинги учрашувга тайёргарлик кўрамиз.

- Ҳакамлик ишини қандай баҳолайсиз?

- Ҳакамлар ҳақида кўп гапириляпти. Тўғриси, уларни ўзини текширадиган қўмитаси бор. Лекин биринчи вазиятда Зоировни йиқитишганида пенальти бор эди, буни ишонч билан айта оламан.