АПЛ. "Эвертон" ўз уйида "Челси"ни енгди

Англия Премьер-лигаси 12-туридан ўрин олган "Эвертон" - "Челси" учрашуви ўз якунига етди. Унда мезбонлар 1:0 ҳисобида ғалаба қозонди. 

Биринчи бўлимда Гильфи Сигурдссон томонидан пенальтидан киритилган гол баҳс якунигача ягона бўлиб қолди. 

Ушбу ғалаба орқали Карло Анчелотти шогирдлари очколари сонини 20 тага етказиб, 7-ўринга кўтарилиб олди. "Челси" эса 22 очко билан 3-поғонада қоладиган бўлди. 

• 90+5'
  

  Учрашув якунланди! "Эвертон" ўз уйида "Челси" устидан иродали ғалабага эришди. Матнли трансляцияни Абдулла Маннонов олиб борди. Эътиборингиз учун раҳмат!

• 90+3'
  

  Андре Гомеш бурчакдан тўпни узатиб беради. Менди тўпга биринчи чиқиб келди.

• 90+1'
  

  Мейсон Маунт бурчак тўпи ижро этди. Ҳимоячилар аранг уни бартараф этди!

• 90'
  

  Учрашув асосий вақтига 5 дақиқа қўшиб берилди.

• 90'
  

  Ришарлисон ўрнига майдонга Жонжо Кенни майдонга тушди.

• 88'
  

  Яна бир бурчак тўпи ноаниқ кетди: Андре Гомеш билан худди шу сценарий такрорланди.

• 87'
  

  Бурчакдан узатилган тўпни Андре Гомеш боши билан дарвозага йўналтирди. Ноаниқ.

• 86'
  

  "Эвертон"да яна бир ўзгариш: Алекс Ивоби ўрнига Том Дэвис майдонга тушди.

• 84'

  "Челси"да ҳисобни тенглаштириш учун ўта қулай имконият юзага келди. Жиру ундан фойдалана олмади.

• 83'
  

  Анчелотти ҳам ресурсларини ишга солишни бошлади: Гильфи Сигурдссон майдонни тарк этди, Андре Гомеш ўйинга қўшилди.

• 82'
  

  Лондонликлар сафида яна бир ўзгариш: Ковачич майдонни тарк этди, унинг ўрнига Билли Гилмур майдонга тушди.

• 81'
  

  Қўпол фоли учун мезбонлар ҳимоячиси Абдулайе Дукуре сариқ карточка билан жазоланди.

• 80'
  

  Мейсон Маунт бурчак тўпини ижро этди, бироқ голли вазият юзага келмади.

• 79'

  Мейсон Маунт тўпни оширишга биронта шерик тополмай қолди ва охир-оқибатда тўпни йўқотди.

• 78'

  "Челси" тўпни назорат қиляпти. Жамоадошлар бир-бирига қисқа ва аниқ паслар беришмоқда.

• 75'

  Рис Жеймс жарима майдони ичига тўпни киритишга ҳаракат қилди, тўпни рақиблар эгаллаб олди.

• 72'

  Аллан дриблинг ишлатиб узоқлашишга ҳаракат қилди, бироқ бесамар.

• 68'
  

  Лемпард илк ўзгаришни амалга оширди: Кай Хаверц ўйиннинг қолган қисмини захира ўриндиғидан кузатиб борадиган бўлса, Темми Абраҳам майдонда туриб ҳаракат қиладиган бўлди.

• 66'
  

  Бурчак тўпидан Сигурдссон яна бир бор натижа чиқара олмади. Ҳимоячилар ишончли ҳаракат қилишди.

• 65'
  

  Тьяго Силва ҳимояда қоида бузди ва карточка билан огоҳлантирилди.

• 64'

  Текширувдан сўнг бош ҳакам қарорини ўзгартирди: пенальти йўқ! Ўйин давом эттирилади.

• 64'

  ВАРга мурожаат қилинмоқда. Бу вазиятда пенальти бўлмаслик эҳтимоли ҳам йўқ эмас.

• 63'
  

  Бен Чиллуэл жарима майдони ичида қўпол ҳаракат намойиш этиб, рақибини йиқитиб юборди! Ҳакам ҳуштагини чалди ва 11 метрлик нуқтани кўрсатди!!!

• 62'

  Матео Ковачич тўп узатишда хатога йўл қўйди ва тўп йўқотилди. Қарши ҳужум.

• 59'
  

  Рис Жеймс рақибининг қарши ҳужумга ўтиб кетишини олдини олиш учун уни йиқитиб юборди. Жонатан Мосс чўнтагидан сариқ карточка олди.

• 57'

  "Челси" кетма-кет ҳужумларни қабул қилиб олгач, ўзи қарши ҳужумга ўтди.

• 55'

  Гильфи Сигурдссон жарима майдони ташқарисидан ўта кучли ва чиройли зарба беришга муваффақ бўлди, бироқ тўп бирозгина юқорилаб кетди! Гол бўлганида тур голи бўларди, лекин.

• 54'

  Йерри Мина ўта қулай имкониятга эга чиқди!!! Унинг бош билан берган зарбаси дарвоза учтуни ёнидан ўтиб кетди.

• 53'
  

  Сигурдссон бурчакдан тўпни узатди, Рис Жеймс тўпни эгаллаб, уни ўзидан узоқлаштирди.

• 52'
  

  Ришарлисоооннн!!! Бразилиялик футболчининг жарима майдони ичидан дарвозанинг пастги ўнг бурчагига берган зарбасини Менди қийинчилик билан қайтарди, тўп ундан ўтиб устунга тегди ва майдон ташқарисига чиқиб кетди.

• 51'

  Кай Хаверц зарба бериш учун қулайроқ позицияга чиқиб олди, бироқ унинг аранг берган зарбаси рақиб ҳимоячилари томонидан блокланди.

• 51'
  

  Мейсон Маунт бурчакдан узатган тўп рақибларга бориб тушди. Омадсиз уриниш.

• 50'

  Оливье Жиру жарима майдони ичига тўпни ҳаводан етказиб берди, ҳимоячилар эса таваккал қилмасдан, тўпни майдон ташқарисига чиқариб юборди.

• 49'

  "Эвертон" зарба бероладтган даражада ҳужум қила олмаяпти. "Аристократлар" яхши ҳимояланмоқда.

• 47'
  

  Мейсон Маунт бурчакдан узатма қабул қилиб олди ва дарвозанинг юқори ўнг бурчагига зарба берди. Пикфорд ишончли ҳаракати эвазига хавфни бартараф этди.

• 46'
  

  2-бўлимга старт берилди!

• 45'

  Футболчилар майдонга қайтишмоқда. Биз ҳам қайтамиз.

• 45+4'
  

  Учрашувнинг биринчи бўлими ўз ниҳоясига етди. Ҳозирча ҳисоб 1:0, мезбонлар фойдасига. Танаффус.

• 45+3'

  Нголо Канте тайм сўнгида кераксиз жойда фол ишлатиб, сариқ карточка ишлаб олди.

• 45+1'

  Доминик Кальверт-Льюин тўпсиз ўйнашни билмайди, чоғи. Ўта қўпол ҳаракат бўлишига қарамасдан, Жонатан Мосс уни оғзаки огоҳлантириш билан чекланди.

• 45'
  

  Учрашув 1-бўлимига 3 дақиқа вақт қўшиб берилди.

• 44'

  Матео Ковачич рақиб жарима майдони ичига ҳаводан айланма узатма амалга оширди, "ирисчилар" эса ҳавода юқори сакрашиб, тўпни узоқлаштиришди.

• 41'

  Оливье Жиру жарима майдони чизиғи яқинидан кучли зарба беришга ҳаракат қилди, бироқ ҳимоячилар зарбани блоклашди.

• 40'
  

  Ажойиб сейв! Ришарлисон рақиб жарима майдони ичига узатилган супер узатмани боши билан дарвозанинг пастги чап бурчагига йўналтириб юборди, Эдуар Менди эса чиройли ҳаракати билан уни қайтарди!

• 37'

  Тимо Вернер ажойиб узатмадан сўнг зарба беришга муваффақ бўлди, бироқ тўп дарвоза устуни ёнгинасидан ўтиб кетди! Агар зарба аниқ чиққанда Пикфорд аниқ уни қайтара олмасди!

• 36'

  Узатма ҳавода анча узоққа кетиб қолди: Рис Жеймс кейинги сафар адашмаслиги ҳақида шерикларига имо қилиб тушунтирди.

• 35'

  "Челси" қисқа паслар орқали позицион ҳужум ташкил этмоқда.

• 33'

  Курт Зумадан "Эвертон" футболчисига нисбатан хавфли ўйин намойиш этилди. Жонатан Мосс ўйинни тўхтатиб, уни оғзаки огоҳлантирди.

• 30'

  Тўп назорати бўйича айни дамдаги статистика қуйидагича: 29-71! Яққол устунлик асосий ҳисобда ортда бораётган "Челси"да!

• 27'
  

  Мейсон Маунт яна бир бурчак зарбасини ижро этди. Узатма тўппа-тўғри Курт Зумага бориб тушди ва зарба берилди. Бироқ унинг зарбасига бирозгина куч етишмаганлиги боис Жордан Пикфорд уни осонгина ушлаб олди.

• 26'
  

  Мейсон Маунт жарима майдони ичига тўпни узатиб берди, Рис Жеймс эса керакли жойда пайдо бўлиб боши билан зарба берди! Тўп дарвоза устунига тегди!

• 25'

  Рис Жеймснинг қанотдан амалга оширган кроссини Пикфорд қўллари билан узоқлаштириб юборди. Тўп ҳавода айланиб, майдон ташқарисига чиқиб кетди. Бурчак тўпи.

• 24'
  

  Ришарлисон "Челси" футболчисини қўпол тарзда чалиб йиқитгани учун Жонатан Мосс унга сариқ карточка кўрсатди.

• 22'
  

  ГООООООООООООЛЛЛ!!! Сигурдссон пенальтидан аниқ фойдаланди ва ҳисобни очди! 1-0!

• 21'
  

  Эдуар Менди тўпга чиқиш жараёнида рақибини йиқитиб юборди ва жарима майдони ичидаги қўполлиги учун пенальтига сабабчи бўлди!

• 19'

  Ҳаммаси жойида, Менди ўйинни давом эттира олади.

• 18'
  

  "Челси" посбони Эдуар Менди тўқнашувда жиддий жароҳат олганга ўхшайди. Майдонда ётган Мендига ёрдам кўрсатиш учун шифокорлар майдонга чиқиб келишди.

• 18'

  Сигурдссон жарима зарбасини ижро этди, Эдуар Менди тўпга ақлли тарзда чиқиб келди ва хавфни бартараф этди.

• 17'

  Кай Хаверц қўидани қўпол тарзда бузди. Мезбонлар жарима тўпи тепади. Хавфли вазият бўлиши мумкин.

• 15'

  Гильфи Сигурдссон қанотдан ажойиб кросс амалга оширди, лекин тўп осон йўқотилди. Хавфли вазият кузатишимиз мумкин эди.

• 12'

  Тимо Вернер жарима майдони ичида зарба бериш учун анча қулай ва очиқ позицияда эди, бироқ шериклари уни тўп билан таъминлашга улгурмади. "Эвертон" қарши ҳужумга ўтиб кетди.

• 10'

  Абдулайэ Дукуре тўпга қўпол тарзда чиқи келди ва рақибини йиқитиб юборди. Жонатан Мосс фол қайд этди.

• 9'

  Иккинчи темпда давом этаётган ҳужумга Йерри Мина келиб қўшилди ва у ҳам узоқдан зарба бериб кўрди. Тўп дарвозанинг устидан ўтиб кетди.

• 8'
  

  Гильфи Сигурдссон бурчакдан тўпни ҳаволатиб узатди, тўпга рақиб футболчиси эга чиқди.

• 6'

  Ришарлисон ўта қулай имкониятга эга чиқди! Бразилиялик вингер жарима майдони ташқарисидан туриб кучли зарба беришга муваффақ бўлди, бироқ меҳмонлар дарвозабони Эдуар Менди уни қайтариб, бурчакка чиқариб юборди.

• 4'
  

  Маунт ўйиндан ташқари ҳолатда қолиб кетди.

• 3'
  

  Мейсон Маунт амалга оширган бурчак тўпи ҳимоячилар томонидан эгаллаб олинди. Ҳужум иккинчи темпда давом этади.

• 2'

  Рис Жеймс жамоадошларини олдинга чиқариб юбориш учун ажойиб пас берди, бироқ рақиб ҳимоячиларидан бири тўпни бир амаллаб узоқлаштириб юборди. Ҳакам бурчакни кўрсатди.

• 1'
  

  Учрашувга старт берилди! Жонатан Мосс ҳуштагидан сўнг жамоалар ўйинни бошлади.

• 0'

  Футболчилар майдонга тушиб келишмоқда. Премьер-лига мадҳияси янгради.

• 0'

  Ассалому алайкум, қадрли футбол ихлосмандлари. Англия Премьер-лигасининг навбатдаги, 12-турининг марказий учрашувларидан бири бўлмиш "Эвертон" - "Челси" бахсини сайтимизда матнли тарзда кузатиб боришингиз мумкин. Матнли трансляцияни Абдулла Маннонов олиб боради.