АПЛ грандлари битта ҳимоячига ёпишиб олган

Англиянинг “Тоттенхэм” клуби 2023 йилда ҳимояни кучайтирмоқчи. Лондон жамоаси Йошко Гвардиол трансферини амалга оширишга ҳаракат қилиб кўради, дея хабарлар тарқалмоқда.

“Лейпциг” футболчи билан шартномани 2027 йилгача узайтирган. Аммо унинг товон пули 50 миллион еврони ташкил қилади.

Гвардиолни “Челси” клуби ҳам ўз таркибига қўшиб олмоқчи. Улар ёзги трансферлар ойнасида ҳам ушбу трансферни амалга оширишга ҳаракат қилган эди. Бундан ташқари “Манчестер Сити” немис клуби фулбекига қизиқиш билдиряпти.