АПЛ. Жезус 4 та гол урган ўйинда "Сити" рақибини янчиб ташлади

АПЛ 34-туридан ўрин олган "Манчестер Сити" - "Уотфорд" беллашуви якунланди. Унда мезбонлар йирик 5:1 ҳисобида зафар қучди.

"Шаҳарликлар" сафида Жезус 4 та гол урган бўлса, яна 1 гол Родри ҳисобига қайд этилди. Меҳмонларнинг ягона голига Камара муаллифлик қилди.

Мазкур натижадан сўнг "Манчестер Сити" очколари сонини 80 тага етказиб олди. Клуб айни пайт жадвалда етакчилик қилмоқда.

"Уотфорд" ҳисобида 22 очко мавжуд бўлиб, жамоа 19-ўриндан жой эгаллаган.