АПЛда Де Йонг учун 71 миллион евро тўлайдиган янги клуби пайдо бўлди

"Ливерпуль" "Барселона" ярим ҳимоячиси Френки де Йонгга қизиқиш билдирмоқда. Клуб голландиялик футболчи учун 71 миллион евро тўлашга тайёр, дея хабар беради “The Sun” нашри.

Манбага кўра, футболчининг ўзи Каталония клубида қолишни истамоқда, аммо "Барса" ҳимоячи Жюль Кундени рўйхатдан ўтказиш учун қўшимча маблағ топиши керак, шунинг учун улар де Йонгни сотишга қарор қилган.

Ўтган мавсумда ярим ҳимоячи каталонияликларнинг барча мусобақалар доирасидаги 46 та ўйинда майдонга тушиб, ўз ҳисобига 4 та гол ва 5 та голли узатмани ёздириб қўйган. Голландиялик футболчининг клуб билан шартномаси 2026 йилнинг 30 июнига қадар амал қилади.