АПЛда яна бир футболчи учун мавсум муддатидан аввал якунланди

Англиянинг “Кардифф Сити” клуби ҳимоячиси Сол Бамба жароҳати сабаб мавсумнинг қолган қисмида бошқа майдонга туша олмайди.

Sky Sports тарқатган хабарга кўра 34 ёшли франциялик футболчи АПЛнинг 29-туридан ўрин олган “Вулверхэмптон”га қарши баҳсда тиззасидан жароҳат олган ва майдонни замбилда тарк этган.

“Афсуски биз кутган энг ёмон ҳолат тасдиқланди. Тиббий кўриклар шуни кўрсатдики, у бу мавсум бошқа майдонга туша олмайди. Эртага у жарроҳлик амалиётини бошдан кечиради”, - дейди жамоа бош мураббийи Нил Уорнок.

Маълумот учун, Бамба жорий мавсум премьер-лигада жами 28та ўйинда иштирок этди ва ўз ҳисобига 4та гол ёздириб қўйишга эришди.

Эслатиб ўтамиз, бундан аввалроқ "Вест Хэм" ярим ҳимоячиси Жек Уилшир ҳам бу мавсум бошқа майдонга тушолмаслиги борасида хабарлар тарқалган эди.