АПЛда яна бир топ мураббий иш бошлаши мумкин

Лондоннинг "Арсенал" клуби раҳбарияти жамоа бошқарувига Луис Энрикени таклиф қилишни режалаштирмоқда.

AS нашри тарқатган хабарга кўра 49 ёшли испаниялик мутахассис бу борада бошқа бир испаниялик мураббий Унаи Эмерининг ўрнини эгаллаши мумкин.

Маълумотларга қараганда “канонирлар” спорт директори Рауль Санльеи айни дамда ишсиз ҳисобланган Энрике билан боғланган ва ушбу масалада гаплашган.

Эслатиб ўтамиз, Эмери бошчилигидаги “Арсенал” қаторасига 5 та учрашувдан буён ғалаба қозона олмай келмоқда.

Маълумот учун, Энрике фаолияти давомида "Рома", "Сельта", "Барселона" ва Испания терма жамоаларини бошқарган.