Арбелоа «Фулҳэм»га бир вақтнинг ўзида «Реал»дан олти нафар футболчини олиб келиши мумкин

Англиянинг «Фулҳэм» клуби расман жамоага янги бош мураббий тайинлади. Лондонликларнинг раҳбарияти жамоани  «Реал»ининг эски-мураббийи Альваро Арбелоага топширди. 

Sports.kz нашри TEAMtalk манбасига таяниб хабар беришича, Арбелоа эндиликда «Фулҳэм»га «қироллик клуби» тизимидаги бир қатор футболчиларни ҳам ўз сафига қўшиб олиши мумкин.

Манбаларга кўра, Арбелоанинг тайинланишига «Реал» президенти Флорентино Перес ҳамда мадридликларнинг янги бош мураббийи Жозе Моуринью фаол равишда қўллаб-қувватлаган. Улар шахсан «Фулҳэм» раҳбариятига Арбелоани тавсия этган.

Маълум қилинишича, «Фулҳэм» «Реал» билан яхши муносабатлардан фойдаланиш ниятида ва мадридликлар таркибидаги бир неча ёш футболчиларни ижарага ёки тўлиқ трансфер орқали жалб этиш имкониятларини кўриб чиқмоқда. Янги бош мураббийнинг асосий трансфер мақсади сифатида 21 ёшли ярим ҳимоячи Сесар Паласиос тилга олинмоқда. Арбелоа уни «Реал» академиясидаги фаолияти давридан яхши билади. Шунингдек, инглиз клубининг қисқа рўйхатига Мануэль Анхель, Хорхе Сестеро ва Тьяго Питарч ҳам киритилган.

Клуб 18 ёшли аргентиналик иқтидор соҳиби Франко Мастантуоно билан ҳам қизиқмоқда. Бироқ унинг келажаги бевосита Жозе Моуринью қароридан келиб чиқади: мутахассис ҳозирча футболчини асосий таркибда қолдириш ёки ижарага жўнатиш масаласида аниқ хулосага келмаган. 

Лондонга кўчиб ўтиши мумкин бўлган яна бир номзод — 22 ёшли ҳужумчи Гонсало Гарсия. Манбага кўра, Арбелоа форварднинг ўйинига катта баҳo беради ва унинг катта мухлиси ҳисобланади. Шу билан бирга, Гарсиянинг келажаги бўйича сўнгги қарорни ҳам «Реал» бош мураббийи қабул қилади.