Аргентина бош мураббийи Скалони Месси қачон фаолиятини якунлашини айтди

Аргентина терма жамоаси бош мураббийи Лионель Скалони жамоа сардори ва етакчи ҳужумчиси Лионель Мессининг футболчилик фаолиятини қачон якунлаши мумкинлиги ҳақидаги саволга жавоб берди.

«У ўзи хоҳлаган экан, у энг яхшилардан бўлиб қолаверади. Албатта, 50 ёшида эмас, лекин истаги бор экан, у барибир энг яхши бўлади. Унинг 23–24 ёшда, “Барселона”да ўйнаган даврини тасаввур ҳам қила олмайман. Биз бу ҳақда тез-тез гаплашиб турамиз. Ўйлайманки, у майдонда қолишни истар экан, доим энг яхшилар сафида бўлади», — дея Скалонининг сўзларини Mundo Deportivo нашри келтиради.

Лионель Месси ўз фаолиятида олтинчи бор жаҳон чемпионатида иштирок этмоқда. Жорий мусобақада у саккизта гол билан тўпурарлар пойгасида иккинчи ўринни эгаллаб турибди, у қўшимча кўрсаткичлар бўйича Франция терма жамоаси ҳужумчиси Килиан Мбаппега йўл бераяпти. Шу билан бирга, Месси жаҳон чемпионатларида урилган голлар сони бўйича ҳам янги рекорд ўрнатди — унинг ҳисобида эндиликда 21 та гол бор.

Чорак финалда Аргентина Швейцарияга қарши майдонга тушади. Учрашув 12 июл куни бўлиб ўтади, ўйин бошланиш вақти — Тошкент вақти билан соат 06:00.