Аргентина муҳим учрашувлар олдидан катта йўқотишга учради

Аргентина терма жамоасининг чап қанот ҳимоячиси Факундо Медина жаҳон чемпионати 1/16 финал босқичида Кабо-Вердега қарши ўйинда мажбурий тарзда майдонни тарк этди.

Франциянинг «Марсель» клуби шарафини ҳимоя қилаётган 27 ёшли футболчи плей-оффнинг илк босқичида «альбиселесте» сафида асосий таркибдан жой олган эди. Бироқ 86-дақиқада жароҳат олиши сабабли у Николас Тальяфикога алмаштирилди. 

Ҳимоячининг жароҳати қай даражада жиддий экани ҳозирча маълум эмас.

Факундо Медина жорий мундиалда Аргентина терма жамоасининг дастлабки икки учрашувида асосий таркибда майдонга тушган, гуруҳ босқичининг учинчи турида Иорданияга қарши ўйинни эса захира ўриндиғидан кузатган эди.