Аргентина янги жамоавий рекорд ўрнатди

2026 йилги футбол бўйича жаҳон чемпионати плей-офф босқичи, 1/16 финал доирасидаги Аргентина – Кабо-Верде учрашуви якунланди. Майами шаҳридаги «Хард Рок» стадионида ўтган кескин беллашувда аргентиналиклар қўшимча вақтда 3:2 ҳисобида ғалаба қозонишди.

Учрашувнинг 29-дақиқасида ҳужумчи Лионель Месси ҳимоячи Лисандро Мартинес йўллаган аниқ узатмадан сўнг ҳисобни очди ва Аргентина терма жамоасини олдинга олиб чиқди. Шу гол туфайли Аргентина жаҳон чемпионатлари доирасида кетма-кет саккизинчи ўйинда биринчи бўлимдаёқ рақиб дарвозасини ишғол этишга эришди. Бу кўрсаткич терма жамоа тарихида янги рекорд сифатида қайд этилди.

Ушбу ғалабадан сўнг Аргентина 2026 йилги жаҳон чемпионатида 1/8 финалга йўл олди. Кейинги босқичда амалдаги жаҳон чемпионлари Миср терма жамоасига қарши майдонга тушади. Кабо-Верде терма жамоаси эса мусобақани тарк этди.

Аргентина ва Миср ўртасидаги 2026 йилги жаҳон чемпионати 1/8 финал учрашуви Атланта шаҳридаги «Мерседес-Бенц Стэдиум» аренасида бўлиб ўтади. Беллашув сешанба, 7 июль куни ўтказилиши режалаштирилган.