Аркадиуш Милик: Европа чемпионатига боришим учун кўпроқ ўйнашим керак

Польшалик ҳужумчи Аркадиуш Милик “Наполи”да кўпроқ ўйин амалиётига эга бўлишни хоҳламоқда.

“Мен майдонга тез-тез тушишни ва “Наполи”да 15 дақиқадан кўпроқ ўйнашни хоҳлайман.

Менинг Шимолий Македонияга урган голим жуда муҳим бўлди. Чунки, ушбу гол бизга хотиржамлик бағишлади ва бизни финал босқичига олиб чиқди. Кўрамиз, мен фаолиятим давомидаги 3-йирик турнирда иштирок этаманми ёки йўқ. Бу фақатгина менга боғлиқ эмаслиги барчага аён. Ҳаммаси ўйин амалиётига боғлиқ. Агар у бўлмаса, мусобақага боришим жуда қийин”, - дейди Милик.