Арман Царукян: "Ислом Махачевни қандай мағлуб этишни биламан"

UFCнинг енгил вазн (70,3 кг) тоифаси вакили Арман Царукян ушбу дивизион чемпиони Ислом Махачев (24-1) билан эҳтимолий жанг ҳақида гапирди.

“Мен дивизионда уни мағлуб эта оладиган ягона жангчиман.  У билан жанг қилмоқчиман, шунинг учун мен уни ҳар доим интервьюларда эслайман. Бу тушдаги кураш. Мен бор эътиборимни чемпион бўлишга қаратганман. Ҳа, бу фаолиятимдаги энг қийин жанг бўлади, лекин мен Исломнинг курашини нейтраллаштириб, уни “стойка”да мағлуб эта оламан.

Ишончим комилки, мен ундан яхшироқ бокс тушаман ва оёқ зарбаларимни ҳам яхши йўллайман. У “клинч”ида яхши ишлайди, шунинг  учун бу жабҳада эҳтиёт бўлишимиз керак. Лекин мен уни қандай мағлуб этишни биламан”, — деди UFC жангчиси Арман Царукян.

Маълумот учун, Арман Царукян ва Ислом Махачев бир бора тўқнашг келган ва унда Махачев очколарга кўра ғалаба қозонган.