Арне Слот: "ПСЖдан учралган мағлубият биз учун яхши бўлган"

"Ливерпуль" бош мураббийи Арне Слот ўтган мавсум Англия чемпионатида қўлга киритилган ғалабани Чемпионлар лигасидан нисбатан эрта чиқиб кетиш билан боғлади.

Мутахассиснинг фикрича, жамоанинг 1/8 финалда мусобақани тарк этиши ички чемпионатдаги муваффақиятга ижобий таъсир кўрсатган.

"Ҳозир айтаётган гапим оммабоп фикр бўлмаслиги мумкин, аммо эҳтимол, чемпион бўлишимизга ПСЖ билан тўқнаш келганимиз сабаб бўлгандир.

Шундан кейин бизда Англия Премьер-лигаси ўйинларига тайёргарлик кўриш учун бутун бир ҳафта вақт пайдо бўлди", — деди "Ливерпуль" бош мураббийи.