"Арсенал" Бразилия терма жамоаси аъзосини ўз сафига қўшиб олишига ишонмоқда

Лондоннинг “Арсенал” клуби “Лион” ярим ҳимоячиси Лукас Пакетанинг трансфери борасида ҳали ҳам умидини сўндирмаяпти, дея хабар бермоқда журналист Экрем Конур.

Олдинроқ француз клуби 24 ёшли бразилиялик футболчининг трансферидан 80 миллион евро ишлаб олмоқчи экани ҳақида хабар берилганди. Пакетанинг "Лион" билан амалдаги шартномаси эса 2025 йилнинг ёзига қадар мўлжалланган.

Трансфермаркт портали Бразилия терма жамоаси аъзосини 35 миллион еврога баҳоламоқда. У ўтган мавсум “Лион” сафида жами 43та ўйинда майдонга тушиб, 11та гол урган ва 7та голга ассистентлик қилган.