“Арсенал” энди “Бавария” футболчисини нишонга олди

"Арсенал" "Бавария" вингери Лерой Санега қизиқиш билдирмоқда, дея хабар беради “Bild” нашри.

Манба берган хабарга кўра, Мюнхен клуби раҳбарияти Санени 70 миллион еврога баҳоламоқда.

Олдинроқ 26 ёшли германияликнинг агенти ўз мижози хизматларини "Челси" ва "Реал"га таклиф қилгани, чунки Сане фаолиятини бошқа жамоада давом эттириш имкониятларини кўриб чиқаётгани ҳақида миш-мишлар тарқалган эди.

Саненинг "Бавария" билан амалдаги шартномаси 2025 йилнинг ёзига қадар амал қилади. “Transfermarkt” портали Германия терма жамоаси футболчисини 60 миллион еврога баҳоламоқда.

Лерой ўтган мавсумда немис гранди сафида 45 та ўйинда майдонга тушиб, ўз ҳисобига 14 та гол ва 15 та голли узатмани ёздириб қўйган.