"Арсенал" ҳужумчиси номаълум муддатга сафдан чиқди

"Арсенал" ҳужумчиси Габриэль Мартинелли жароҳат олиб сафдан чиқди. Бу ҳақда клуб расмий сайти хабар тарқатмоқда.

Бразилиялик футболчи Англия кубогининг 3-раундидан ўрин олган "Ньюкасл"га (2:0) қарши ўйиндан олдин ўтказилган чигалёзди машғулотлари жараёнида жароҳат олган. Ҳозирча унинг қанча муддатга сафдан чиққани маълум эмас.

19 ёшли Мартинелли бир неча ойлик даволанишлардан сўнг яқиндагина сафга қайтган эди. У жорий мавсум “Арсенал” таркибида жами 4 та ўйинда майдонга тушди ва 1 та голга ассистентлик қилди.