"Арсенал" Италия бозорини ўрганмоқда

Лондоннинг “Арсенал” клуби ёзги трансфер ойнасида марказий ҳужумчи билан шартнома имзоламоқчи. Клуб раҳбарияти бунинг учун Италия А Серияси бозорини ўрганмоқда.

Tuttosport нашрининг хабар беришича, "канонирлар" "Наполи"нинг нигериялик ҳужумчиси Виктор Осимҳен ва "Интер"нинг аргентиналик ҳужумчиси Лаутаро Мартинесни диққат билан кузатиб боришмоқда.

Қайд этилишича, “Арсенал” ёзда ушбу футболчилардан бири учун таклиф билан чиқишни режалаштирган.

Олдинроқ "Арсенал" Хвичи трансферига қизиқиш билдираётгани хабар қилинганди.

“Арсенал” айни дамда 54 очко билан АПЛ мусобақа жадвалида 4-ўринда бормоқда.