"Арсенал" Италия терма жамоаси етакчиларидан бирининг трансфери бўйича иш бошлади

Лондоннинг "Арсенал" клуби раҳбарияти "Сассуоло" ярим ҳимоячиси Мануэль Локателлининг трансфери масаласида музокараларни бошлади.

Goal.com тарқатган хабарга қараганда, "канонирлар" аллақачон 23 ёшли футболчининг трансфери масаласида А Серия клубига расмий таклиф билан мурожаат қилган. Ҳозирча, “Арсенал” Мануэль учун қанча маблағ таклиф қилаётгани маълум эмас.

Локателли якунланган мавсум "Сассуоло" сафида жами 34 ўйинда майдонга тушди. У ушбу учрашувларда 4 гол ҳамда 3 та ассистни ўз ҳисобига ёздириб қўйди.

“Арсенал” ўтган мавсум АПЛда 8-ўринни эгаллади. “Сассуоло” ҳам А Серияни 8-поғонада тугатди.