“Арсенал” камида бир юлдузини “қурбон” қилади. Номзодлар тайёр

Англия Премьер-лигасида етакчилик қилаётган Лондоннинг “Арсенал” клуби бюджет муаммолари сабаб етакчилардан бирини “қурбон” қилишига тўғри келмоқда.

“Канонирлар” бюджетни барқарорлаштириш учун асосий таркиб футболчиларидан камида биттасидан воз кечиши шарт.

Бу ҳақда The Telegraph хабар берди.

Манбага кўра, “канонирлар” 300 миллион евродан ортиқ маблағ сарфланган катта трансферлар оқибатларини юмшатиш учун келаси ёзда камида бир нафар қимматбаҳо футболчи билан хайрлашиши талаб этилади.

Хабарларда Мартин Эдегор ва Габриэл Мартинелли клубни тарк этиши мумкин бўлган футболчилар қаторига киритилгани айтилмоқда.

Бу мавсумда Эдегор барча мусобақаларда 27 та ўйинда қатнашиб, 1 та гол ва 7 та голли узатма амалга оширди. Мартинелли ҳисобида эса 37 та учрашув, 11 та гол ва 3 та ассист бор.