Лондоннинг "Арсенал" клуби "Реал" Мадрид ярим ҳимоячиси Хамес Родригеснинг хизматларига жиддий қизиқиш билдира бошлади. Бу ҳақда El Desmarque нашри хабар тарқатмоқда.

Юқоридаги манбаага кўра “канонирлар” ушбу трансферни яқинлашиб келаётган қишки трансферлар даврида ўз сафига қўшиб олишмоқчи.

Эслатиб ўтамиз, 28 ёшли колумбиялик футболчи айни дамда жароҳатидан соғйиш жараёнини бошдан кечирмоқда. У катта эҳтимол билан жорий 2019 йилда бошқа майдонга тушмайди.

Маълумот учун, Хамес жорий мавсум “Реал” сафида 9 та ўйинда майдонга тушди ва 1 та гол ҳамда 1 та голли узатмага муаллифлик қилди.