"Arsenal" sardori boshqa klub bilan kelishuvga erishdi

"Arsenal" jamoasi yarim himoyachisi Martin Edegor yaqin vaqtlar ichida "Galatasaray" safiga qo‘shilishi mumkin. Bu haqida turk jurnalisti Selman Ozyturk xabar bermoqda.

Ma'lumotlarga ko‘ra, norvegiyalik futbolchi "Galatasaray" bilan shaxsiy shartnoma borasida kelishuvga erishgan. Endi kelishuvning asosiy qismi – klublar o‘rtasidagi muzokaralarga bog‘liq. London klubi Edegor uchun kamida 40 million yevro miqdorida to‘lov olishni kutayotgani aytilmoqda.

O‘tgan mavsumda Martin Edegor "Arsenal" tarkibida 36 ta o‘yinda maydonga tushdi. U shu bahslarda bir gol urdi va sakkizta golli uzatma muallifiga aylandi.