"Arsenal" sobiq futbolchisi hibsga olindi

Yens Lemann mast holda mashina haydaganlikda ayblanib hibsga olingan. "The Sun" nashrining xabar berishicha, "Arsenal"ning sobiq darvozaboni Oktoberfestga tashrif buyurganidan keyin mashinasi to‘xtatilgan.

Qayd etilishicha, Leman festival davomida ko‘p miqdorda pivo ichgan. Shuningdek, u o‘q otish musobaqasi bo‘lgan paytda yog‘och o‘rindiqlarda turib olib, raqsga tushgan.

Prokuror En Leydin shunday dedi: "Janob Lemann 2024 yil 23 sentyabr kuni mashina haydashdagi g‘ayrioddiy xatti-harakati tufayli politsiya tekshiruvidan o‘tkazildi. Ofitserlar alkogolning aniq hidini sezishgan.

Shundan so‘ng, uning haydovchilik guvohnomasi musodara qilindi. Bizning tergovimiz hali yakunlanmagan. Mast holda mashina haydashdagi shubhalar baribir saqlanib qolmoqda”.