"Арсенал" ва Артета йилни йирик ғалаба билан бошлашди!

Англия чемпионатининг 17-туридан ўрин олган "Вест Бромвич" - "Арсенал" баҳси ўз ниҳоясига етди. Унда Артета шогирдлари рақиб дарвозасига жавобсиз 4 та тўп киритди. Дастлаб, 23-дақиқада Тирни ўйиндаги ҳисобни очган бўлса, 5 дақиқа ўтар-ўтмас Сака уни ишончли кўринишга келтириб қўйди. 60 ва 64-дақиқаларда рақиб дарвозасини ишғол қилиб, дублга эришган Ляказетт эса жамоасининг йирик ҳисобдаги ғалабасини таъминлади.

Ушбу ўйиндан сўнг, қаторасига учинчи ғалабасига эришган «Арсенал» 23 очко билан 11-поғонага кўтарилди. «Вест Бромвич» 8 очко билан 19-поғонада қолди.

Фикрлар

Фикр қолдириш учун авторизациядан ўтинг!