"Арсенал" янги мавсум сафар либосини тақдим этди (ФОТО)

Лондоннинг “Арсенал” клуби ўзининг расмий сайтида янги 2024/2025 йилги мавсумда фойдаланадиган янги меҳмон либосини тақдим этди.

“Биз қитъанинг дизайн анъаналаридан илҳом олиб, африкалик мухлислар билан алоқамизни янада яхшилаймиз. Қора, қизил ва яшил рангдаги анъанавий пан-Африка рангларини ўзида мужассам этган бу либосда Labrum London асосчиси Фодай Дамбуя томонидан ишлаб чиқилган ажойиб оқ зигзаг нақш мавжуд”, - дейилади клуб баёнотида.

Эслатиб ўтамиз, Микель Артета жамоаси Премер-лигада ўтган мавсум 89 очко жамғариб, чемпион “Манчестер Сити”дан икки очко ортда қолган ҳолда иккинчи ўринни эгаллаган эди.

Премьер-лиганинг янги мавсуми 16 август куни бошланади. “Арсенал” мавсумнинг илк ўйинини 17 август куни “Вулверхэмптон”га қарши ўтказади.