"Арсенал" "Ювентус" ҳимоячиси билан келишувга эришди

Лондоннинг “Арсенал” клуби “Ювентус” ҳимоячиси Даниэле Ругани билан келишувга эришди.

Corrierre dello Sport нашри тарқатган хабарга кўра “канонирлар” 25 ёшли италиялик футболчига йилига 4 млн евро маош тўлашга рози бўлишган.

Энди ушбу трансфер якунланиши учун клублар ўзаро келишиб олишлари керак. Туринликлар Руганини кейинчалик сотиб олиш ҳуқуқи билан 40 млн еврога қўйиб юборишга тайёр.

Эслатиб ўтамиз, дастлаб “Арсенал” Руганини ижарага олишни режалаштираётган эди. Бироқ, “Юве” раҳбарияти бу таклифга рад жавобини берган.

Маълуот учун, Ругани ўтган мавсум жами 20та ўйинда майдонга тушди ва 2та голга муаллифлик қилишга эришди.