"Арсенал"нинг собиқ футболчиси "Пахтакор" билан шартнома имзолади

Суперлиганинг амалдаги чемпиони - "Пахтакор" ўз сафига яна бир легионерни қўшиб олди. Украиналик ҳимоячи Алексей Ларин "шерлар" билан эркин агент сифатида бир йиллик шартномага имзо чекди. Бу ҳақда клуб матбуот хизмати хабар тарқатмоқда.

28 ёшли ҳимоячи фаолияти давомида Украинанинг "Днепр" ва "Арсенал", Болгариянинг "Дунав" ва Тожикистоннинг "Истиқлол" жамоаларида ўйнаган.

Ларин сўнгги мавсумда "Истиқлол"да жами 38 ўйинда 2 тўп киритган. Осиё Чемпионлар лигаси-2021да Ларин жамоаси таркибида ҳимоядаги ишончли ўйини билан намоён бўлганди.