Артета "Арсенал"дан "Реал" юлдузини сотиб олишни сўради

Мадриднинг "Реал" жамоаси ҳужумчиси Винисиус Жуниорга Лондоннинг "Арсенал" клуби жиддий қизиқиш билдирмоқда. Бу ҳақда The Touchline нашри хабар берди.

Манба маълумотларига кўра, бразилиялик юлдузга бўлган қизиқиш шахсан "Арсенал" бош мураббийи Микель Артета томонидан билдирилган. Унинг айтиллишича, испаниялик мутахассис клуб раҳбариятидан Винисиусни жамоага олиб келиш имкониятини ўрганиб чиқишни сўраган. Артета учун «қироллик клуби»нинг вингери ҳақиқий орзу трансфери ҳисобланади. Мураббий Винисиусни "Арсенал" ҳужумида етишмаётган ҳал қилувчи бўғин деб билади.

Ўтган мавсумда 25 ёшли Винисиус барча мусобақаларни ҳисобга олган ҳолда 53 та ўйинда майдонга тушди, 22 та гол урди ва 14 та голли пас берди. Transfermarkt портали ҳужумчининг бозор қийматини 140 миллион евро атрофида баҳоламоқда.