Артета "Арсенал" учун янги футболчи топди
У янги мавсумни АПЛда бошлаши кутилмоқда.
"Валенсия" клуби ярим ҳимоячиси Карлос Солер "Арсенал"нинг трансфер нишонига айланди. Бу ҳақда Sky Sports нашри хабар тарқатмоқда.
Юқоридаги манбага кўра, 23 ёшли футболчини шахсан "канонирлар" бош мураббийи Микель Артета Лондонда кўрмоқчи. Ўз навбатида “кўршапалаклар” ҳам молиявий фэйр-плей қоидасини бузмасликлари учун жамоа етакчиларидан айримларини сотиб юборишлари мумкин.
Маълумот учун, Солер жорий мавсум “Валенсия” сафида 27 та ўйинда майдонга тушди ва 3 та гол уришга эришди. Унинг трансфер нархи эса 50 млн еврога баҳоланмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар