Arteta “Arsenal”ni chempion qiladigan o‘yinchi topdi

“Arsenal” bosh murabbiyi Mikel Arteta o‘z jamoasida “Aston Villa” futbolchisi Duglas Luisni ko‘rmoqchi.

Mirror nashrining yozishicha, “kanonirlar” ustozi braziliyalik futbolchi jamoaning chempionlik uchun kurashidagi imkoniyatlarini keskin oshirishiga ishonmoqda.

25 yoshli futbolchi “Vasko da Gama” tarbiyalanuvchisi hsioblanadi. U 2017 yili “Manchester Siti”ga ko‘chib o‘tgan va darhol “Jirona”ga ijaraga berib yuborilgan.

“Shaharliklar” keyinchalik ham unga o‘zini ko‘rsatish uchun imkoniyat bermadi. Buning oqibati Luis 2019 yili “Aston Villa”ga to‘liq ko‘chib o‘tdi.

Duglas Luis bu mavsum yuqori saviyada o‘ynayapti. U Premer-ligada 12 marotaba maydonga tushib, beshta gol va bitta assist qayd etgan. Uning transferi 55 million evroga baholanyapti.