Артета "Арсенал"нинг чемпионлик пойгасидаги имкониятлари ҳақида гапирди

Лондоннинг “Арсенал” клуби бош мураббийи Микель Артета Англия Премьер-лигасининг жорий мавсумида жамоасининг чемпионлик пойгасидаги имкониятларини баҳолади.

“Умидсизлик катта, чунки биз ютқаздик. Икки жамоа ўртасида ажойиб жанг бўлди. Бизда ҳам яхши имкониятлар бўлди, лекин уларни голга айлантира олмадик.

Чемпионлик пойгаси? Мен чемпионликни қўлга киритишга ушбу учрашув олдидан ишонганимдан кўра кўпроқ ишонаман, чунки “Сити”га қарши тенг шароитларда ўйнайдиган жамоани кўрдим. Бир неча кундан кейин навбатдаги ўйинни ўтказамиз. Мен ўз йигитларимга ишонаман”, - деди испаниялик мутахассис BBC Sport нашрига берган интервьюсида.

Кечаги ўйиндан сўнг "Манчестер Сити" "Арсенал"ни биринчи ўриндан туширди, аммо "канонирлар" ҳисобида битта қўшимча ўйин бор.