Артета "Арсенал"нинг мураббийлар штабини кимлар ишлашини тасдиқлади

"Арсенал" клуби бош мураббий этиб тайинланган Микель Артета ўзининг мураббийлар штабини тасдиқлади.

Клуб расмий сайтининг хабар беришича испаниялик мутахассисга Альберт Стейвенберг ва Стив Раундлар ёрдам беришади. Дарвозабонлар мураббийи эса Иньяки Канья бўлади.

Шунингдек, Унаи Эмерининг истеъфосидан сўнг жамоани маълум муддат бошқариб турган Фредди Юнгберг ҳам Артетанинг мураббийлар штабида фаолият юритади.

Эслатиб ўтамиз, Микель Артета “Арсенал” билан 2023 йилга қадар имзолади. “Канонирлар” айни дамда АПЛда 11-ўринда боришмоқда.