Артета: Бизга сеҳр керак эди

Микель Артета "Арсенал"нинг "Эвертон" устидан қозонилган ғалабаси ҳақида гапирди. 

Лондон клуби АПЛ 7-туридан ўрин олган қолдирилган учрашувда 4:0 ҳисобида ғалаба қозонди. 

"Илк 25 дақиқаликдаги ўйинимиздан сўнг ғалаба қозонганимиздан хурсандман. Учрашув аввалида қийин бўлди. "Эвертон"га қарши ҳар доим шундай бўлган. 

Биринчи голни уришимиз билан ўйинимиз очилди. Бизга бироз сеҳр керак эди ва Сака буни қилди. Кейинчалик биз ғалаба қозонишга ҳақли ўйин кўрсатдик. 

Жамоам худди мен хоҳлаганимдай тўп тепаётганидан хурсандман. Мен жамоам кўрсатган ўйин сифатидан мамнунман", - деди "тўпчилар" устози.