Артета: "Энг қайғули кечалардан бири, лекин фахрга тўла"

"Арсенал" бош мураббийи Микель Артета жамоанинг Чемпионлар Лигасидан чиқиб кетиши ҳақида фикр билдирди:

"Биз ғалаба қозонишни хоҳладик ва бунга ишонгандик. Чоршанба кечаси менинг клубдаги фаолиятимдаги энг қайғули кечалардан бири бўлди, лекин шунда ҳам фахр ҳис қилдим. Нима учун ғалаба қозона олмадик ва нима қилишимиз кераклигини таҳлил қилмоқчиман. Бу клуб ва унга дахлдор барча учун ҳаракатлантирувчи куч бўлиши керак".

Артетага кўра, "Арсенал" финалга чиқиш имкониятини анча оширган:

"Биз финалга чиқиш эҳтимолини жуда юқори даражага чиқардик, лекин жуда кўп яхши вазиятларни ютказиб юбордик. Рақибга ҳам ҳурмат билан қарайман — уларда дунёдаги энг яхши дарвозабон бор эди" - дея таъриф бериб ўтди испаниялик мутахассис. 
 
Эслатиб ўтамиз, Артета бошчилигидаги "тўпчилар" Луис Энрикенинг ПСЖсига қарши ярим финал босқичида умумий 3:1 ҳисобида мағлуб бўлиб, турнирни тарк этган эди.