Артета: Уларнинг мавқеи биз интилаётган натижа

Микель Артета "Манчестер Сити"нинг даражаси ҳақида гапирди. 

Якшанба куни "Арсенал" ва "Сити" АПЛнинг 30-тури доирасида Манчестерда тўқнаш келади. Ўйин Тошкент вақти билан 20:30да старт олади. 

"Биз Англия кубоги ва Суперкубогида бир нечта тўқнашувларга дуч келдик. Улар планкани футболда ҳеч қачон бўлмаган даражада кўтаришди. Биз ўша даражадан нималарнидир ўргандик. Уларнинг ҳозирги мавқеи биз интилаётган натижа. Охирги икки-уч йил ичида уларга анча яқинлашиб қолдик. Биз орадаги фарқни йўқотишимиз ва улардан яхшироқ бўлишга интилишимиз керак", - деди "тўпчилар" устози.