Артуро Видаль янги мавсумни "Интер"да ўтказади

Миланнинг "Интер" клуби чилилик ярим ҳимоячи Артуро Видалнинг ижараси масаласида "Барселона" билан музокараларни бошлади. Бу ҳақда Inter News нашри хабар бермоқда.

Юқоридаги манбаага кўра каталонияликлар “нерадзуррилар”нинг таклифини қабул қилишган ва ушбу трансфер тез орада амалга оширилади. Ижара шартномаси 2020 йилнинг ёзига қадар тузилади.

Эслатиб ўтамиз, Видаль учун Италия футболи бегона эмас. Боиси, у 2011-2015 йилларда “Ювентус” клуби шарафини ҳимоя қилган.