"Aston Villa" "Barsa" himoyachisini sotib olmoqchi

"Aston Villa" yozda katta transferlarga qo‘l uradi. Unai Emerining asosiy maqsadlaridan biri "Barsa" himoyachisi Kristensenni olib kelishdir, deya xabar berdi "Birmingham Live" nashri. 

27 yoshli futbolchi mavsum boshida kataloniyaliklar safiga erkin agent sifatida kelib qo‘shildi. Uning transferi Ispan grandi uchun juda foydali bo‘ldi, ya’ni ko‘rsatgan o‘yinlari orqali jamoaning asosiy himoyachilar qatoriga kira oldi.

Kristensenga Premer-liga begona emas. U "Chelsi" akademiyasida tahsil olib, "aristokratlar"ni 2022 yilda tark etgan.