"Астон Вилла" "Барса" ҳимоячисини сотиб олмоқчи

"Астон Вилла" ёзда катта трансферларга қўл уради. Унаи Эмерининг асосий мақсадларидан бири "Барса" ҳимоячиси Кристенсенни олиб келишдир, дея хабар берди "Birmingham Live" нашри. 

27 ёшли футболчи мавсум бошида каталонияликлар сафига эркин агент сифатида келиб қўшилди. Унинг трансфери Испан гранди учун жуда фойдали бўлди, яъни кўрсатган ўйинлари орқали жамоанинг асосий ҳимоячилар қаторига кира олди.

Кристенсенга Премьер-лига бегона эмас. У "Челси" академиясида таҳсил олиб, "аристократлар"ни 2022 йилда тарк этган.